Magsugod na sa pagdeploy ang South Korea ug drone-melting laser weapons karong tuiga aron gub-on ang mga unmanned aerial vehicle sa North Korea o remote-controlled nga mga drone.
Ang bag-ong armas sa laser gitawag og ‘StarWars Project’ nga ‘invisible’ ug ‘noise-free’.
Wala usab kini magkinahanglan og dugang nga mga bala tungod kay naggamit lamang kini og kuryente ug nagkantidad lamang og 2,000 won (US$1.45) matag buto.
Kini nga hinagiban sa militar gimugna sa Hanwha Aerospace.
Nakab-ot na niini ang 100% nga shoot-down rate sa nangaging mga pagsulay. Matod ni Lee Sang-yoon sa South Korean Defense Acquisition Program Administration (DAPA), moagi pa kini og dugang kalamboan sa umaabot nga mga adlaw ug siguradong mahimong ‘game-changer’ sa bahin sa sistema sa armas.
Ang StarWars System makahimo sa pag-neutralize sa usa ka target gamit ang laser light nga namugna gikan sa optical fiber niini.
Kung ang laser moigo sa usa ka drone, siya miingon, ang nawong niini matunaw, ang mga internal nga sangkap masunog, hangtod nga kini mahulog.
Gipasigarbo pa sa SoKor nga mahimo kining mogawas ug magamit sa kawanangan.
Tungod kay naggamit kini og elektrisidad, giingon nga madugangan lang ang output aron mas paspas ang tubag ug maabot pa ang gikusgon sa kahayag.
