GENERAL SANTOS CITY – Nagpabiling gapanguna ang South Cotabato sa may labing daghang kaso sa COVID 19 sa Region 12.
Mukabat sa 7,353 ang covid cases sa South Cotabato kung asa 1,281 ang aktibo kon kadtong mga nagpabilin pa sa mga isolation facilities og ospital.
Ang GenSan adunay mukabat sa 5,956 ka kaso kung asa 748 ang active cases, North Cotabato adunay 3,737 ka kaso og 616 ang aktibo, Sultan Kudarat ang may 2,506 ka kaso kung asa 271 ang aktibo, og ang Sarangani adunay confirmed cases sa covid nga mukabat sa 2,332 kung asa 446 pa ang naa pa sa tambalanan og isolation facilities.
Sa katibuk-an, mukabat na sa 21,884 ang kinatibuk-ang kaso sa Covid 19 sa Region 12 human nga nadugang kagahapon ang 267 nga bag-ong mga pasyente.
Samtang niabot na og 17,840 ang total recoveries human nga anaa sa 206 ang bag-ong nakarekober sakit og mukabat na sa 678 ang nakabsan sa kinabuhi sa Soccsksargen human nga tulo ang nadugang nga namatay kagahapon.
