GENERAL SANTOS CITY – Padayon ang pagsaka sa Covid-19 cases sa Soccsksargen human nga madugang kagahapon ang 265 nga bag-ong kaso luyo nga may 255 bag-ong recoveries samtang pito ang nadugang sa ihap sa namatay.
Sa datos nga gipagawas sa DOH Center for Health Development Soccsksargen, gikan sa mga bag-ong nagpositibo, mukabat sa 75 ang gikan sa Gensan, Cotabato Province-101, Sarangani -1, Sultan Kudarat-39 og South Cotabato-51 .
Samtang sa aktibong kaso, ang South Cotabato gihapon ang gapanguna nga may 1,122, GenSan may 668 active cases, Cotabato Province 689, Sultan Kudarat may 361 og ang Sarangani anaa sa 270 ang aktibong kaso.
Sa covid 19 related deaths nanguna ang Gensan sa may labing daghang ihal nga anaa sa 137, Cotabato Province- 119, South Cotabato 115, Sultan Kudarat may 43 nga napatay og ang Sarangani , 25 ang patay tungod sa covid19.
Sa katibuk-an, mukabat sa 14,733 ang kumpirmadong kaso sa SOCCSKSARGEN region.
Anaa sa 3,110 ang active cases, 11,182 ang recoveries og 439 ang COVID-19 related deaths.
