GENERAL SANTOS CITY – Mukabat sa 116,987 ang kinahanglan nga mabakunahan sa tibook Region 12 alang sa nagpadayon nga Measles Rubella Simulatenous Immunization Activity (MRSIA).
Kini human nga mukabat na sa 74.77% ang ilang nabakunahan nga mga bata o anaa sa 346,688 itandi sa target nga anaa sa 466,675.
Samtang duha na ka mga lugar sa Region 12 ang kapin sa 80% ang nabakunahan nga ang South Cotabato 83.01% og Sarangani Province 82.51%.
Ang Sultan Kudarat ang anaa sa 79.62% og 71.30% ang Cotabato City. ANg North Cotabato 68.99% og GenSan 64.18%.
Nasayran nga ang GenSan ang labing ulahi sa ranking ning higayon sa immunization activity batok sa tipdas gumikan sa pagsugod daghan sa mga health workers ang nagpositibo sa COVID 19 og ang uban ang gipailawom sa quarantine tungod na-exposed sa mga nagpositibo.
Kamatuoran niini daghang mga health center ang gipailawm sa lockdown human adunay nagpositibo nga mga health workers.
