GENERAL SANTOS CITY – Malaumon si South Cotabato First District Rep. Pedro Acharon Jr. nga makapasa sa third and final reading sa umaabot nga Mayo 2, atul sa sesyon sa Kongreso, ang House Bill 4678 ang sugyot-balaodnun kalabot sa kamugnaan sa General Santos isip lone district.
Ug kon makalusot sa Kongreso, galaum usab si Acharon nga makalusot usab kini balaodnun sa Senado, pinaagi ni Sen. Sonny Angara.
Dungan niini, gihingusgan sa nasampit nga kongresista nga kon mahimo nang lone district ang Gensan, mahimong mas malambuon ang dakbayan.
Kahibaluan nga kon mahimo nang lone district ang dakbayan, lauman nga mugamay na lang ang budget nga igahin sa national goverment dinhi, gumikan lainon na ang budget alang sa tulo ka munisipyo sa first district sa South Cotabato.
