Giila sa Guinness World Record ang Sorsogon Province tungod sa pagbuhat niini sa kinadak-ang nut brittle production sa tibuok kalibutan. Kapin sa 200 ka mga volunteers ang nagtigom sa Sorsogon Provincial Gymnasium ug migamit ug 1,400 ka kilo nga pili nuts nga gikan sa lokal nga mga mag-uuma.
Human sa pipila ka oras nga pagluto, nakamugna sila og pili nut brittle nga may sukod nga 144.16 square meters, nga katumbas sa one-third nga gidak-ong sa usa ka basketball court.
Nagkanayon si Jerome Dio sa Museo Sorsogon acting curator ug organizer sa Guinness World Record Official Attempt nga tumong nila nga ilhon ang probinsiya isip Pili Capital sa nasod.
Dugang pa niya nga wala’y bisan kinsa nga nakasuway niini kaniadto, mao nga sila ang naghimo sa maong rekord.
