Nanawagan si House Assistant Majority Leader Ernix Dionisio Jr. sa Maynila sa mga botante nga dili iboto ang mga kandidatong may kalambigitan sa gidili nga Philippine Offshore Gambling Operators (POGO) sa Mayo 12 elections.
Gihatagan og gibug-aton ni Dionisio nga may mga kandidato nga may nakuha nga suporta gikan sa POGO nga sigurado nga ilang protektahan kung sila ang makapungko sa puwesto.
Nagtuo usab si Dionisio nga ang desisyon ni Pang. Ferdinand Marcos Jr nga ibawal ang POGO ang usa sa mga rason nganong natangtang ang Pilipinas sa money laundering watchlist sa Financial Action Task Force (FATF).
Bisan ang Pangulo ang subling nanawagan sa mga botante nga dili suportahan ang mga kandidatong may kalambigitan sa milabay nga administrasyon, bisag wala niya gihisgot ang pangalan ni kanhi Pangulong Rodrigo Duterte.
