-- ADVERTISEMENT --
Gi-postpone sa sunod tuig ang solo concert ni Moira Dela Torre nga “Where It All Started” nga ipahigayon unta karong Oktubre 4, 2026 sa SM Mall of Asia Arena.
Sumala sa Ovation Productions, ang promoter sa concert, nga dili na madayon karong Dominggo ang maong show apan wala niini gipadayag ang hinungdan sa pag-postpone.
Wala pa usab gitino ang bag-ong petsa sa concert ug gipahibalo sa promoter nga ang dugang detalye may kalabotan niini ipagawas pa.
Mao unta kini ang unang headline concert ni Moira sa maong venue sa Pasay City human niya ipahibalo ang show niadtong Hulyo 10 atol sa ‘launch’ ug ‘listening party’ sa iyang ‘I’m Okay album’ sa Greenhills.
