SOJ Remulla, gikumpirma nga nakakuha na ug Ombudsman Clearance

Gikumpirma sa kasamtangang kalihim sa Department of Justice Sec. Jesus Crispin ‘Boying’ Remulla, nga nakakuha siya og ‘Ombudsman Clearance’ karong adlawa.

Gipaambit niya kini kalabot sa iyang aplikasyon sa posisyon nga ‘Ombudsman’ tungod kay usa kini sa mga ‘requirements’ sa Judicial and Bar Council.

Apan, nagdumili ang Kalihim sa pagpaambit og tubag kon hingpit nang nabasura ang mga reklamo nga iyang giatubang sa Office of the Ombudsman.

Matod pa niya nga gipadala na kini ngadto sa Judicial and Bar Council nga maoy nangulo sa evaluation o screening sa mga aplikante sa nahisgutang posisyon.

Buot ipasabot nga posible ug mahimong maapil sa ‘shortlist’ sa mga nominado sa JBC kon mapili siya sa ipahigayong deliberasyon.