GENSAN – Ipahigayon karong adlawa ang South Cotabato II Electric Cooperative Inc o SOCOTECO II ug usa ka Stakeholders Forum sa bag ong Administration Building nga nahimutang sa Barangay Apopong General Santos City.
Ang tumong sa maong forum mao ang paghatag og mga update ug pagpasiugda sa abri nga diskusyon kabahin sa nag-unang mga isyu nga giatubang sa kooperatiba .
Apil niini ang kasamtangang sitwasyon nga may kalabotan sa regression sa kategoriya sa SOCOTECO II ilabi na usab ang pagpailawom sa mga flagship program ug inisyatibo
Pagatuki-on usab ang pakig-uban sa mga miyembro consumer owners ug ang benepisyo nga ilang makuha sa komunidad Lakip usab ang mga plano alang sa operational recovery ug ang estratehikong direksyon nga padulngan sa umaabot.
Pipila pa sa giandam nga lakang mao ang pagpresentar sa opisyal nga baruganan sa SOCOTECO II kalabot sa isyu sa privatization ug sa posibilidad sa joint venture agreements
Ang maong forum gilauman nga mahimong dalan aron mas mapalig-on pa ang relasyon sa kooperatiba ug sa mga miyembro consumer owners pinaagi sa tin-aw nga pagpangatarungan ug pagtubag sa mga hagit nga giatubang sa sektor sa serbisyo sa kuryente
