GENSAN– Gipahimangno ni Atty. Teodoro Sales nga ang SOCOTECO 2 kinahanglan tun-an pagmaayo ug timbangon ang posibilidad nga pag-venture sa ubang private company, aron masiguro nga ang desisyon makapabor sa mga member-consumers sa kooperatiba.
Matud pa ni Atty. Sales, importante kaayo nga ang interes sa mga konsyumer unahon sa bisan unsang plano o partnership, kay kung dili kini pagahimoon ug tarong, posibleng mosaka ang singil sa kuryente imbis nga makabenepisyo ang katawhan.
Gipahimangnoan usab niya ang SOCOTECO 2 nga husto ug transparent ang proseso sa pagdesisyon, ug ang mga miyembro-konsyumer masayud sa epekto sa mga lakang nga buhaton sa kooperatiba.
Ang pahimangno ni Atty. Sales nagpakita sa kamahinungdanon sa pagpanalipod sa interes sa mga miyembro sa SOCOTECO 2, samtang nagtan-aw sa mga oportunidad nga mahimong hinungdan sa dugang serbisyo ug kaayohan.
Isip, usa ka negosyante nga nagahatag og legal nga serbisyo, gipadayag niini ang kabalaka sa kalit nga pagsaka sa presyo sa kuryente.
