GENERAL SANTOS CITY – Halos susama ang mga bayolasyon ang nalapas sa ubay-ubay nga mga establismiento sa dakbayan.
Kini mao ang wala pagsunod sa social distancing nga usa sa mga gilatag nga health protocol aron maprotektahan ang kaugalingon nga matakdan sa coronavirus disease.
Matud pa kang Licensing officer IV Geraldine Zamora sa Business Licensing and Permits Division (BPLD), tulo ka kan-anan nga adunay mga food courts ang nainspeksyon nga ang usa ang may banda nga nagpatukar.
Sa ilang assessment, sa sinugdanan okey pa ang sitwasyon kung asa nagasunod ang mga customer sa social distancing apan nagkadugay hilabina sa sulod nga bahin sa establismiento ilaha nang namatikdan nga wala na kini namintina tungod ang uban ang nagdikit na.
Gani, prontalya sa daghang kasaba gikan sa mga customers ang gabantay nga gwardiya sa higayon nga ipasabot sa mga nasampit ang gipatuman nga mga patakaran sa kan-anan.
Nasuta nga may higayon nga magpaila nga sakop sa kapulisan ang customers kung asa dala ang ilang anak.
Gipasalig ni Zamora nga ipaabot sa City-Inter Agency Task Force (IATF) ang sitwasyon aron nga mahatagan og aksyon.
Una niini, gisiguro sa BPLD nga magpadayon ang paglibot-suroy sa ilang mga ginsakpan sa mga establisiemto sa syudad aron mamonitor kung nasunod ba ang angayang guidelines nga ipatuman sa pagpasulod sa ilang customers.
