Scyntl Rose Brilliantes/ Palarong Pambansa 2019 eight-ball women catergory champion /FB Photo: ONE Soccsksargen
GENERAL SANTOS CITY – Positibo gihapon ang delegasyon sa SOCCSKSARGEN nga makab-ot ang target nga 30 ka gold medals o mas labaw pa sa nagpadayon nga Palarong Pambansa 2019 sa Davao City.
Kini gumikan kagahapong adlawa, Mayo 2, base sa partial and official medal tally pasado alas-8:00 kagabii, misaka na sa ika-upat nga pwesto ang Region 12, nga may 22 ka gold, 34 ka silver ug 25 ka bronze medals. Padayong nanguna ang NCR nga aduna nay 62 ka gold, 56 ka silver, ug 36 bronze medals.
Ikaduha ang Region 4-A nga may 41 ka gold, 35 ka silver, ug 65 ka bronze medals; ikatulo ang Region 6 nga may 40 gold, 20 silver, ug 37 bronze medals.
Kahinumduman nga miaging adlaw kampeon sa eight-ball women’s category ang taga-Malungon nga si Scyntl Rose Brilliantes.
Makig-atbang usab sa ilang championship fight ning adlawa ang lima ka boxers gikan sa SOCCSKSARGEN nga gilaumang usa sa makadugang ug mga bulawan nga medalya.
Kahibaluan nga target sa DepEd12 nga malabwan ang 23 gold medals nga nasakmit kaniadtong Palarong Pambansa miaging tuig sa Vigan.
