GENERAL SANTOS CITY – Kasong pagsupak sa RA 10863 o An act Modernizing the Custom and Tariff Administration ang atubangon sa nagpangalan og Abdula Omar human nga nakumpiska ang mga smuggled nga mga tambal, bitamina ug mga tea sa gipahigayon nga operasyon sa Bula extension, Zone 2C Barangay Bula, ning syudad niadtong adlaw nga Sabado.
Kahibaluan nga nagpahigayon ug buybust operation ang mga personahe sa City intelligence branch sa pag panguna ni Police Major Melvin Joseph Violan sa suspect nga nagpuyo sa nahisgutang lugar kung asa napalitan kini ug kantidad 700 nga mga tambal.
Sa dihang gisulod na sa kapulisan ang panimalay sa nasangpit, nakabantay ang suspect ug daling nakadagan ug ambak sa pader kung asa malampuson kining nakasibat.
Sa gihimong inventory mukabat ngadto sa P450,000 ang kantidad sa mga smuggled items.
Ang mga produktong nakumpiska mao ang herbal tea nga ‘bintag dua mustika dewa’ ingon man ang duha ka karton sa mga vitamins nga ‘Pronicy Cyprohetidine HCI 4mg nga bitamina para sa hayop, apil usab ang 46 ka mga bundles ug 20 ka pads sa Dexamethasone.
Ang mga nakumpiska nga produkto ang kustodiya na sa Bureau of Custom .
