GENERAL SANTOS CITY – Gikasuhan na ang Slovenian national nga gireklamo ug gipadakop sa tag-iya sa iyang gipuy-an nga lodging house gumikan sa wala pagbayad.
Kasong estafa ang giatubang David Fifer, 35-anyos, human nga miabot na sa P18,100 ang iyang bayrunon sa lodging house nga iyang gitiniran ug halos duha ka bulan, kung asa may ginagmay usab matud pa kini nga utang sa ubang staff sa nahisgutang balay-katulganan.
Nsayran usab nga usa ka bulan na nga overstaying na sa nasud si Fifer, human nga duha ka bulan na nga ania dinhi.
Gumikan sa iyang kaso nga giatubang, dili pa pwedeng ma-deport ang langyaw sa ilang nasud, ug kinahanglan pa usab magbayad ug penalty sa Bureau of Immigration.
Sa karon nagpabilin pa sa Lagao Police Station ang nasampit nga langyaw.
Sa karon napadangat na matud pa sa BI ang Slovenian goverment ang kalabot sa kaso ni Fifer, ug gina-contact na usab ang pamilya niini didto sa Slovenia.
