GENERAL SANTOS CITY- Gikatakdang ipa-deport ang Slovenian national nga gireklamo ug gipadakop sa tag-iya sa iyang gipuy-an nga lodging house gumikan sa wala pagbayad.
Kini gumikan overstaying na matud pa dinhi sa Pilipinas ang nagpangalan ug David Fifer, 36-anyos nga taga-UE Maribos, Slovakia.
Una niini, mireklamo sa Lagao Police Station si Francis Denoga, tag-iya sa lodging house nga nahimutang sa Prk 15 Lagao ning siyudad, gumikan hapit usa ka bulan na matud pa nga mitinir kanila ang naasoy’ng langyaw, apan wala nay bayad-bayad, ug miabot na ug kapin P18,000 ang bill.
Gipahinumduman matud pa nila kini miaging adlaw, apan nanghipos matud pa sa iyang mga gamit hinungdan nga nangayo ug tabang ug ilang gipugngan nga dili makahawa ang dayuhan.
Sa karon nagpabilin sa nasampit nga presinto ang naasoy’ng langyaw, ug ginaasikaso na ang iyang mga papeles aron mapa-deport balik sa ilang nasud.
