Gikumpirma sa Slovakia ang kaandam aron pangunahan o mag-host sa peace talks tali sa Russia ug Ukraine, halos tulo ka tuig human miulbo ang giyera tali sa duha ka nasud.
Kini luyo sa akusasyon sa Slovakia nga kaalyado sa Russia.
Gianunsiyo usab ni Russian President Vlademir Putin kaniadtong Huwebes nga nagtanyag kaniya ang Slovakia nga mahimong platform alang sa posibleng peace talks ug dili matud pa supak ang ilang nasud niini.
Gidayeg usab ni Putin ang neutral position sa Slovakia sa naasoy nga isyu.
Apan gipaklaro usab ni Putin ang iyang unang pasalig nga angkunon gayud ang Ukraine.
Sumala usab kang Slovakian Foreign Minister Juraj Blanar, ang unsa mang panag estorya ang angayan nga ipahigayon kauban ang partisipasyon sa mga nalambigit nga mga partido kauban ang Russia.
Dili sama sa nakalabay nga Summit on Peace in Ukraine kaniadtong Hunyo nga gipahigayon sa Switzerland kung asa wala giimbitahan ang Russia.
Gikonsidera usab sa Foreign Minister nga positibong sinyales ang nahimong pahayag ni Putin aron maundang na ang giyera sa mas dali nga panahon.
Unang gibutyag sa Slovakia sa Ukraine kanaidtong Oktubre nga andam mag-host alang sa peace talks.
