Patay ang siyam ka Buddhist monks ug adunay daghang uban pa nga nasamdan human sila nabanggaan sa usa ka 11-anyos nga batang lalaki nga nagmaneho sa pickup truck sa iyang mga ginikanan sa amihanang-sidlakang Thailand, sumala sa pulisya.
Ang grupo nga naglakip sa 35 ka mga monghe ug lima ka mga layko nga deboto nga nagbaktas sa usa ka dalan sa Mukdahan province samtang nagapadayon sa ilang pilgrimage sa dihang nahitabo ang insidente.
Base sa imbestigasyon, ang bata giingong mikuha sa sakyanan nga walay permiso ug nawad-an og kontrol hangtod nabanggaan ang mga naglakaw nga mga monghe.
Lima ang namatay sa lugar ug upat pa ang misunod nga namatay sa ospital, samtang pipila ang anaa sa kritikal nga kondisyon.
Giingon sa mga awtoridad nga ang bata giatiman karon ug posible nga adunay espesyal nga kahimtang sa panglawas, apan padayon pa ang imbestigasyon sa kaso ug legal nga proseso. Nagpadayon usab ang tabang sa Mukdahan Hospital nga nangayo og blood donations alang sa mga biktima.
Giingon sa mga opisyal nga ang trahedya kinahanglan magsilbing pahimangno sa kahinungdanon sa road safety ilabi na sa responsableng paggamit sa mga sakyanan.
