GENERAL SANTOS CITY – Mibalik na sa normal ang sitwasyon sa Brgy. Sarrat, President Roxas Sultan Kudarat.
Kini ang gikumpirma ni Lt. Silver Belvis, tigpamaba sa 39th Infantry Battalion Philippine Army nga nakabase sa Makilala, North Cotabato.
Kahinumduman nga natigayon ang engkwentro tali sa Guerrilla Front 53 sa NPA og sa iyang mga sakop sa miaging adlaw.
Gibutyag sa opisyal nga sa kapin 200 ka evacuees, 100 ka residente na lamang ang mga nagpabilin sa evacuation centers kon gilauman usab nga mubalik na sa ilang tagsa-tagsa ka panimalay ugmang adlawa.
Sa pagkakaron padayon ang paggukod sa tropa sa gobyerno sa mga rebeldeng grupo.
Gikadugang sa opisyal, nagpabiling naka-heightened alert sa ilang area of responsibility ang ilang tropa gumikan sa natigayon nga pagpanagtaki sa Marawi.
Gani, ang ubang security operations ang padayun gihapon human sa pagbusikad nga natigayon sa Kidapawan sa miaging adlaw.
Nanawagan sa mga katawhan nga patas-an ang pasensiya ilabina ang mga byahero tungod hugot ang gipahigayon nga pag-inspeksyon sa mga bus og uban pang pangpublikong transportasyon.
