GENERAL SANTOS CITY– Nagmugna na ang kapulisan sa Rehiyon 12 og Special Investigation Task Group nga gitawag nga “SITG SIBSIB” human ang pagpamomba sa Tulunan, Cotabato.
Matud pa kang PNP 12 Director P/Brig.Gen. Micheal John Dubria nga padayon nga gitumbok kung alang gayud sa Yellow Bus Line ang bomba.
Apan iyang gihingusgan nga may nadawat nga tawag ang maong kompanya nga gapangayo og kwarta.
Sa imbestigasyon nasayran nga mibusikad ang bomba sa ticketing booth og naigo ang usa ka unit sa YBL nga may body number 2988.
Usa ang namatay nga nailhan nga si Gina Paunon, 53 anyos nga residente sa Barangay Cajelo, Tulunan, North Cotabato.
Nasayran nga si P/Col. Joel Limson, Deputy Regional Director for Operations ang SITG Supervisor.
Ang tumong niini aron nga matutukan ang pagsulbad sa kaso.
