GENSAN- Gibutyag ni Atty. Arturo Cloma nga kon wala pa mabutyag ang mga kontrobersiya, padayon gihapon nga nagalihok ang dautan nga kalakaran sa pagdumala sa mga proyekto sa gobyerno, partikular na sa mga infrastructure ug flood control projects.
Sumala niya, kinahanglan na gyud tapuson ang sistemang nagahatag og komisyon o “cut” sa mga opisyal gikan sa pondo sa proyekto, nga mao na karon ang nahimong normal sa daghang transaksyon sa gobyerno.
Kini ang giingong hinungdan nga ang mga contractor mapugos og trabaho nga substandard kay wala nay halos mabilin nga budget para sa ensaktong kalidad sa materyales ug implementasyon.
Tungod niini, giingon ni Atty. Cloma nga ang katawhan may katungod ug responsibilidad nga ipadayag ang ilang tingog, ilabi na kung mga dakong pondo ang nalambigit ug walay klarong accountability.
