Padayong ginatun an sa gobyerno ang hangyo sa transport sektor nga dugang singko pesos nga pletihan tungod sa matag semana nga pagtaas sa presyo sa produktong petrolyo ug ang kagubot sa Ukraine ug Russia.
Sumala kang Robert Cang, presidente sa Public Transport Alliance in Gensan kon PTAG nga ilaha pang ginahulat ang mamahimong desiyon sa gobyerno kung ilang paminawon ang hangyo sa mga public sektor o suspensohon ang excise tax.
Gihingugsan sa mga transport sector nga wala nay maadto sa ilang panudlanan tungod ang pamasahe sa ilang mga pasahero ila lamang ibayad pang gasolina aron makabyahe.
Giklaro usab niini nga dili mamahimong mag buot buot sa pagpataas sa pamasahe ang mga dirvers gumikan may mga kinahanglan ikonsidera ug kinahanglan pang mag file ug petisyon aron maaprubahan.
Kahibaluan nga ang mga pampublikong sakyanan nga kabahin sa maong programa ang dili maningil sa ilang pasahero gumikan ang gobyerno ang naghatag kanila og pondo aron matabangan sila lakip na ang mga commuters.
