Singer nga si Justin Timberlake giaresto sa mga kapulisan tungod sa pagmaneho nga nakainom

Giaresto sa mga kapulisan sa New York ang singer nga si Justin Timberlake tungod matod pa sa pagmaneho nga naka-inom.

Sumala sa tigpamaba sa Sag Harbor Police nga gikan sa usa ka party sa hotel ang singer.

Nakita sa mga kapulisan nga paliko-liko ang iyang pagmaneho hinungdan nga ialha kining gipara.
Gipailawom kini sa breathalyzer test ug nagpositibo.

Nag-adto usab ang mga higala sa singer sa kapulisan ug gisulayan nga kumbinsihon ang mga kapulisan nga buhian kini apan wala misugot ang mga kapulisan.

Wala pa nagpagawas ug pahayag ang kampo sa singer.