-- ADVERTISEMENT --
GENSAN – Temporaryong gisirad-an ang sikat nga tourist destination karon sa South Cotabato nga Lake Holon sulod sa duha ka bulan.
Base report, nagsugod ang pagsirado kaniadtong Enero 7 nga mulungtad hangtod Marso.
Gikabutyag nga ang maong lakang sa lokal nga panggamhanan sa T’Boli, South Cotabato ang aron hatagan ug higayon ang Lake Holon nga mag-rejuvenate ug ma-preserba ang kanindot niini.
Matud ni Rodel Hilado, municipal tourism officer, nga subling ablehan ang Lake Holon sa Marso dungan sa pagsaulog nila sa Seslong Festival.
Kahibaluan nga ang Lake Holon gitawag usab nga “Crown Jewel of the South,” kung asa kaniadtong 2016 hangtod 2017, giila kini isip usa sa “Top 100 Sustainable Destinations,” sa global Green Destinations.
-- ADVERTISEMENT --
