GENERAL SANTOS CITY – Lusot ug dili kasuhan ang usa ka sikad driver nga gireklamong nanghikap ug kinatawo sa usa ka babaye sulod sa usa ka bar sa Bula-Amao Rd ning dakbayan.
Kahinumduman nga gilaparo ug gireklamo sa biktima nga si Alyas Ana ang suspek nga si Datu Abdul, taga Brgy Fatima ning dakbayan, human matud pa niini gihikap ang iyang kinatawo samtang nagsayaw sulod sa nasampit nga bar.
Apan hugtanong gipanghimakak sa suspek ang alegasyon, ug gihingusgan nga wala kadto gituyo ug wala siya kabantay nga nahimo ang sa ingon, gumikan huot ug daghan ang tawo kaniadtong tungura samtang nagdisco sila, ug nakuratan na lamang matud pa dihang gisagpa sa biktima.
Hinuon, nangayo na lamang kini ug pasaylo ngadto sa biktima aron matud pa ma-settle, apan gihingusgan nga wala gayud gituyo ang nahitabo.
