GENERAL SANTOS CITY– Laing pagpamusil ang natigayon sa dakbayan kung asa ang biktima ang suwerte nga wala maintimano human nga gitiro sa Digos Makar Road corner Fernandez St ning syudad.
Nadala sa tambalanan ang nagpangalan og Pedrito Declaro Roxas II taga KPS Labangal ning syudad human nga nakaangkon ug samad pinusilan sa dughan lahos sa likod nga bahin.
Alas dos dyes sa kaadlawon kagahapon dihang natigayon ang pagpamusil dihang ang biktima nagparada sa iyang sikad, kalit nga miduol ang usa ka mailhing lalaki nga nga nagbaktas lamang og namusil.
Paspas nga misibat ang suspek sa wala matino nga direksyon apan sumala sa mga testigo nga naka-mask ang suspek.
Pagrespondi sa kapulisan sa lugar wala na maabtan ang biktima dihang paspas nga gidala sa ospital.
Narekober sa crime scene ang usa ka empty shell sa caliber 45 pistol nga giturn-over na sa Regional crime laboratory office 12 aron masayran kung kinsa ang nanag-iya sa pusil.
Wala masayri sa biktima kung kinsa ang mihimo sa pagpusil kaniya .
