-- ADVERTISEMENT --
GENERAL SANOS CITY – Patay ang usa ka traysikad driver human gipusil sa naka-kotse nga suspek.
Sa impormasyon, giila ang biktima nga si Alladin Giwan, 32 anyos, residente sa Brgy Fatima ning dakbayan.
Natigayon ang insidente sa Zone 2-A Blk 5 sa nasampit nga barangay, kung asa igo lamang matud pa nagmaneho sa iyang sikad ang biktima ug may usa ka pasahero, dihang giduulan sa usa ka Toyota Vios, dayon gipusil.
Nadala pa sa Dr. Jorge P Royeca Hospital ang biktima, apan nakabsan sa kinabuhi gumikan sa naangkon nga usa ka samad-pinusilan sa wala nga bahin sa tiyan.
Kasamtangan pang giimbestigahan sa kapulisan ang insidente, kung asa ginasuta ang background sa biktima, aron matino ang motibo sa krimen, ug ilhanan sa suspek.
-- ADVERTISEMENT --
