Shrimp Mindanao Summit ipahigayon sa GenSan sa Uktobre

GENERAL SANTOS CITY – Dinhi sa siyudad gikatakdang ipahigayon ang Shrimp Mindanao Summit sa Oktobre 18 hangtod 19.

Ug gani, hugot na ang preparasyon karon sa Sargen Shrimp Stakeholders Association.

Matud ni Richard Paparon sa Sargen Shrimp Stakeholders Association, ikaduhang higayon na kini nga paghost sa syudad sa maong panagtigum.

Labing una matud pa kaniadtong 2016.

Gumikan niini, malaumon sila nga mas mudaghan pa ang partisipante ning tuiga itandi sa tuig 2016 nga kapin sa 600 ang mitambong.

Gilauman ang mga bisita gikan sa kauluhan ilabi sa BFAR nga giimbitahan sa maong panagtigum.

Una nang gikumpirma ni Paparon nga ang Sargen maoy kasamtangang nanguna sa produksyon sa pasayan sa tibuok Pilipinas, nga anaa sa 60%.