GENSAN – Daghan pa gihapon ang mga kinahanglang hisgutan may kalabutan sa aplikasyon sa STL nga mag-operate sa siyudad.
Kini ang gibutyag ni Kagawad Jeng Gacal, human ang natigayong ikaduhang hugna sa public hearing kagahapong adlawa, kung asa mitambong si Gloria Ybanez, ang PCSO manager for Mindanao, nga maoy mitubag sa mga pangutana.
Matud ni Gacal, wala pa sila nagkasinabot sa 3.75% nga share sa siyudad gawas pa sa pagpaklaro kalabutan sa share sa local police.
Sumala pa nga mihangyo siya sa PCSO nga himoong 5% ang share sa dakbayan nga himuong pareho sa lotto. Kini gumikan gatuo matud pa si Gacal nga malugi ang operasyon sa lotto.
Gawas niini kung basehan ang rekomendasyon ni Mayor Ronnel Rivera, 45 ka STL outlet ang ipatukod sa syudad sukwahi sa kagustuhan sa STL nga 130.
Samtang, lakip nga gidsikusyunan gihapon mao ang kalabutan sa resibo aron masiguro nga ang tanang kita ang muadto sa siyudad.
Kahibaluan nga gibutyag sa GSCPO nga wala matud pa sila nakadawat ug share gikan sa PCSO.
Apan base sa record nga sa bulan sa Mayo, anaa sa kapin P20,000 sa Hunyo, P36,000 sa Hulyo P39,000; P104,000 sa Agosto, ug P225,000 kaniadtong Setyembre, ang nahatag nga share sa PCSO sa operasyon saa STL sa miaging tuig.
