Serbia nalutsan ang Australia sa OT 95-90 aron makaabante sa semis sa men’s basketball sa Paris Olympics

Miabot sa overtime bag-o hingpit nga gipildi sa Serbia 95-90 ang Australia sa quarterfinals sa Paris Olympics basketball tournament.

Nahimong dakong hagit ang dula sa Serbia tungod miabot pa og 24 points ang nahimong lamang sa Australia.

Gihuptan pa sa Australia ang lamang sa overtime period 90-89 dihang mapasulod ni Nikola Jokic ang iyang three points og nakuha ang 93-90 nga lamang.

Giselyuhan ni Bogdan Bogdanovic ang dula dihang mapasulod ang ulahing duha ka free throw niini.

Nanguna sa kadaugan si Jokic nga adunay 21 points og 14 rebounds samtang si Bognadovic adunay 17 points.

Ginahulat na lamang sa Serbia ang kinsa man nga modaug tali sa US og Brazil alang sa semifinals.