-- ADVERTISEMENT --
Gideklarar nga special non-working day sa General Santos City ang Sabado, Septiyembre 5, 2026, isip kabahin sa selebrasyon sa ika-26 nga Tuna Festival.
Kini ang nakasaad sa Proclamation No. 1410, Series of 2026, nga nagdeklara sa maong petsa isip espesyal nga adlaw nga walay trabaho sa tibuok dakbayan.
Ang maong deklarasyon gitumong aron hatagan og higayon ang mga residente sa General Santos City nga makapartisipar sa nagkalain-laing kalihukan nga kabahin sa Tuna Festival.
Gilauman usab nga mas daghang mga residente ug bisita ang motambong sa mga kalihukan atol sa katapusang adlaw sa selebrasyon sa Tuna Festival 2026.
