GENERAL SANTOS CITY -Nagpabiling balhog sa selda ang right hand sa napatay nga lider sa Ansar Khilafa Philippines (AKP), human nga naaresto operasyon sa PDEA-12.
Matud pa ni Dir. Gil Cesario Castro, gindam na ang kasong ipasang-at batok kay MORSALEN MASHOD y CONCEPTION, 45, minyo, usa ka fish vendor nga residente sa Crossing Nomoh, Barangay Kanalo, Maasim, Sarangani Province.
Matud sa opisyal, si MASHOD, aktibong nalambigit sa illegal drug trade og miembro sa drug group nga galihok sa Maasim og kasikbit nga mga munisipyo.
Bahad si MAshod sa lugar tungod gagamit ug mga menor de edad sa pagpahuyot og droga.
Aduna pay daghang runners ang nasampit aron sayon ang ilangn transakyon sa pagbaligya.
Gikanayong si Mashod usab ang sinaligan ni Mohammad Jaafar Maguid, Alias Tokboy, ang na patay nga lider sa Ansar Khilafa Philippines, local terrorist group og ISIS sympathizer.
Ug gani, si Mashod, brother-in-law sa unang asawa ni Tokboy.
Nasayran usab sa imbestigasyon nga adunay standing Warrant of Arrest ang nasampit sa kasong rape nga giisyu pa niadtong January 2010.
Kahibaluan nga atul sa oeprasyon nakuhaan ang nasampit og unom ka sashet sa shabu og usa ka sachet ang napalit gikan kaniya.
