Nagpabiling managhigala sila si Senador Imee Marcos ug Bise Presidente Sara Duterte bisan pa sa pagsaway sa Bise Presidente sa administrasyon ni Presidente Bongbong Marcos Jr.
Matod ni Senador Marcos, managhigala gihapon sila ni VP Sara ug dili siya gustong mag-away o magkaaway.
Matud pa niya nga subo gyud kay kung siya ra ang musunod, gusto unta niya nga “forever” na ang UniTeam apan sa pagkakaron murag guba na gyud ang partido.
Bisan pa niana, matod ni Senator Imee nga wala pa sila magka-estorya o magkita ni VP Sara.
Samtang, wala makauyon si Senador Marcos sa mga pamahayag ni VP Duterte batok sa gobyerno sa iyang igsuon ug sa iyang tan-aw susama ra kini sa pangandoy sa tanang Pilipino.
Giangkon sa magbabalaod nga adunay mga “area” o parte sa administrasyon nga kinahanglan gyud nga pauswagon ilabi na sa pagdungog sa Senado nga bilyon-bilyon na ang pundo nga gigahin alang sa pagbaha, apan walay plano.
