Gipadayag ni Senate Impeachment Court Spokesperson Reginald Tongol nga walay ‘grave abuse of discretion’ sa desisyon sa mga senator-judge nga ibase ang ‘two-thirds conviction threshold’ sa gidaghanon sa mga senador nga legal ug aktuwal nga mahimong moapil sa impeachment trial.
Sumala kang Tongol, miagi sa hingpit nga proseso ang impeachment court sa wala pa nakadesisyon, lakip ang pagkonsulta sa mga retiradong Supreme Court justices, pagdumala og oral arguments ug deliberations, ug pagkuha sa mga Amici Curiae.
Tungod niini, giingon ni Tongol nga mahimong gamiton isip basihan ang maong mga lakang kung kuwestiyonon sa Supreme Court ang ruling pinaagi sa Rule 65 petition for certiorari.
Matud niya, kinahanglan mapamatud-an ang ‘grave abuse of discretion’ nga miresulta sa pagkawala o paglapas sa jurisdiction.
Samtang, giingon ni House prosecution Spokesperson Benjamin Tolosa Jr. nga mahimo gihapon modangop sa Supreme Court ang unom ka senator-judge nga wala nakaapil sa proceedings kung gusto nilang gamiton ang legal remedies.
Niadtong Miyerkules, 13 ka senator-judge ang mibotar aron usbon ang July 6 ruling ni Presiding Officer Chiz Escudero nga nagtakda sa 16 ka boto isip conviction threshold, o two-thirds sa 24 ka miyembro sa Senado.
