GENERAL SANTOS CITY – Gisibog sa laing petsa ang ipahigayon unta nga Senate Hearing may kalabutan sa P8.7 bilyon road right of way scam dinhi sa dakbayan.
Sa unang pamahayag sa Bombo Radyo ni Vice Mayor Shirlyn Bañas Nograles nga unang gitakda ang pagdungog sa maong isyu sa Pebrero 23, adlaw nga Biyernes.
Sa ulahing impormasyon nasuta nga dili na madayun ang maong pagdungog sa maong petsa inay gisibog na kini sa Marso 16.
Luyo niini, wala pay kumpirmasyon ang opisina sa bise mayor sa dakbayan kung kinsa-kinsa ang mga senador nga mutambong sa maong hearing.
Una ng gibutyag ni Nograles og sa uban pang mga konsehal nga suportado nila ang maong lakang aron masayran ang kamatuoran og kung adunay makatuoran man kini, masayran kung kinsa ang mga nagpaluyo sa maong isyu.
Hinuon, bisan unsang petsaha ipahigayon ang hearing gisiguro sa SP nga andam na ang tanang preparasyon sama sa mga pasilidad nga gamiton sama sa sound system, microphone, mga bangko, lamesa, CCTV cameras ug monitor ug ang live streaming.
Ingon man aduna nay panagpulong nga gihimo ang LGU ngadto sa kapulisan alang sa ipatumang seguridad atul sa hearing.
