Gipasa na sa Office of the Ombudsman sa Senate Blue Ribbon Committee ang imbestigasyon sa mga giingong anomalya sa mga flood control projects aron mapadali ang imbestigasyon ug malikayan ang pagdoble sa proseso.
Sumala kang Blue Ribbon Committee Chairman Senator Erwin Tulfo, nasabutan nila ni Senate President Sherwin Gatchalian ug Ombudsman Jesus Crispin Remulla nga ang Ombudsman na ang manguna sa mga isyu nga may kalabotan sa flood control projects.
Gibutyag usab ni Tulfo nga gigamit na sa Ombudsman ang mga dokumentong gisumite sa Independent Commission for Infrastructure isip bahin sa ilang imbestigasyon.
Lakip sa gitan-aw sa imbestigasyon ang mga alegasyon batok sa pipila ka kongresista, contractors, government officials, pipila ka senador ug uban pang taas nga opisyal sa gobyerno.
Matud ni Tulfo, padayon na ang pag-uswag sa imbestigasyon sa Ombudsman. Tungod niini, dili na kinahanglan nga manghilabot pa ang Blue Ribbon Committee sa parehas nga isyu aron dili malangan o maapektuhan ang proseso sa imbestigasyon.
