Maisugon nga gisaway ni Senador Francis “Chiz” Escudero si Kongresista Martin Romualdez atol sa plenaryo sa Senado karong Lunes, Septiyembre 29. Si Escudero dayag nga niinsister nga dili gyud siya kaalyado ni Romualdez ug mibahad nga makigbatok sa gitawag niyang “script and zarswela” nga gipakatap sa kongresista aron sa paglibog ug pagbahinbahin sa katawhan.
Gitataw sa senador nga kon motumaw ang tinuod nga kamatuoran, manubag ang tinuod nga sad-an, ug prisohon ang tinuod nga sad-an, di angayan nga modapig kaniya si Romualdez.
Gisaway sa senadora ang giingong taktika ni Romualdez nga makig-away sa mga opisyal sa gobyerno ug sa katawhan aron malikayan ang pagpanubag kanila.
Matod ni Escudero, tataw nga kabahin kini sa plano ni Romualdez sa paglingla sa publiko ug pag-divert sa imbestigasyon.
Matod sa senador, kinahanglang manubag ug imbestigahon ang tanang ngalan nga giguyod ug ang nahisgutang mga Kongresista, Senador, ug uban pang opisyal—ug angay usab nga iapil niini si Romualdez.
Dugang ni Escudero, ang mga testigo nga mopadayag sa kamatuoran kinahanglang respetuhon ug tuohan, lakip na si Sgt. Guteza nga matud niya walay personal nga interes gawas sa pagbutyag sa kamatuoran.
Sa pagtapos sa iyang pakigpulong, giawhag ni Escudero ang publiko ug kaubang mga magbabalaod nga dili magpadala sa giingong drama ni Romualdez.
