Gikompirma sa Senate Director of Protocol Services nga wala silay gipagawas nga travel authority (TA) kang Senador Robin Padilla nga atua sa The Netherlands.
Apil na niini ang senador nga kauban ni Bise Presidente Sara Duterte ug kanhi presidential spokesperson Harry Roque nga nibiyahe sa The Hague, Netherlands aron bisitahon si kanhi Presidente Rodrigo Duterte.
Ang Senate Policy Order on Foreign Travels, nga giamendahan niadtong 2016 ubos ni Senate President Franklin Drilon, nag-ingon nga dili na kinahanglan nga magkuha ug TA kon personal ang biyahe. Epektibo kini sa mga senador ug ingon man sa mga empleyado sa senado.
Kahinumduman nga gibisita sa bise presidente ang amahan nga natanggong sa International Criminal Court tungod sa kasong crime against humanity gumikan sa kampanya niini sa ilegal nga drugas.
