Giawhag ni Senador Risa Hontiveros ang Senado ug Kamara nga ipasar ang minimum wage hike bill—diin gipasabot sa senador nga dili kini angay pasagdan karong nagsingabot na ang 19th Congress.
Gihimug-atan ni Hontiveros nga duha na lang ka sesyon ang nahabilin sa kasamtangang Kongreso ug kinahanglang hisgutan nila ang balaodnon nga maghatag og usbaw sa suholan sa mga trabahante sa minimum nga suholan sa pribadong sektor.
Dugang pa sa senador nga kinahanglang magtigom og bicameral conference committee aron ma-reconcile ang managlahing probisyon sa House ug Senate versions sa minimum wage bill.
Nanawagan usab ang magbabalaod ngadto sa iyang mga kaubang senador, ilabi na ni Senate President Francis “Chiz” Escudero, nga aksiyonan dayon ang maong isyu.
Gihatagan og gibug-aton sa senador nga taliwala sa isyu sa impeachment, angay nga hatagan og patas nga importansya kining maong isyu, tungod kay daghan sa mga mamumuo ang nagdepende niini.
