Pormal nang sugdan karong Lunes, Hulyo 6, sa Senado nga naglingkod isip impeachment court ang paghusay batok kang Bise Presidente Sara Duterte, nga mao ang unang bise presidente sa kasaysayan sa Pilipinas nga moatubang sa impeachment trial.
Atubangon niya ang upat ka articles of impeachment nga naglakip sa alegasyon sa sayop nga paggamit sa confidential funds, unexplained wealth, bribery, ug paghulga sa kinabuhi ni Pangulong Ferdinand Marcos Jr., First Lady Liza Araneta-Marcos, ug kanhing House Speaker Martin Romualdez, diin giingon nga igo na ang pagkakonbikto sa usa lang ka article aron matangtang siya sa puwesto.
Ang unang adlaw sa pagdungog igahin sa preliminary proceedings sama sa opening statements sa prosekusyon ug depensa, samtang sa ikaduhang adlaw sugdan ang presentasyon sa ebidensya ug pagtawag sa mga testigo.
Giklaro ni Senate President Sherwin Gatchalian, nga naglingkod isip presiding officer sa impeachment court, nga siya ang angay mopangulo sumala sa rules sa Senado bisan pa sa mga kwestyon sa iyang pagkadili abogado.
Gihisgutan usab sa mga senador ang posibleng ebidensya nga lakip ang “BIR box” nga naglangkob sa tax records ni VP Duterte ug sa iyang bana.
Gipahinumdoman usab nga dili kini ang unang impeachment trial sa nasod, human sa kaso ni kanhing President Joseph Estrada niadtong 2001 ug ni Chief Justice Renato Corona niadtong 2012 nga parehas nakahatag og dakong epekto sa politika sa Pilipinas.
