-- ADVERTISEMENT --
Gitugotan sa Senado ang hangyo sa Kamara nga ipabilin ang Ayuda para Kapos ang Kita o AKAP program sa 2025 General Appropriations Bill.
Mao kini ang gisulti ni Senate Committee on Finance Chairman Senator Grace Poe human giaprobahan sa duha ka balay sa Kongreso ang gisugyot nga P6.352 trilyon nga 2025 national budget.
Gikan sa sugyot nga P39 bilyon, ang pondo sa AKAP mius-os ngadto sa gibana-bana nga P26 bilyon.
Matud pa ni Poe, ang ilang counterpart sa Kamara nipasabot nganong usa kini ka paagi nga makatabang sa katawhan.
Gipasalig sa senador nga ilang giklaro ang guidelines ubos sa AKAP diin ang makadawat sa maong hinabang mao ang mga minimum wage earners nga apektado sa mga sitwasyon sama sa inflation.
-- ADVERTISEMENT --
