Gipadayag ni Senator Risa Hontiveros nga maghangyo ang Senate Leadership kang Pangulong Ferdinand Marcos Jr. nga sertipikahan isip urgent ang sugyot balaodnon nga anti-political dynasties.
Sumala kang Hontiveros, gisuportahan sa Senate Leadership ang maong hangyo human gipadayag ni kanhi Bangko Sentral ng Pilipinas Deputy Governor Diwa Guinigundo ang panginahanglan alang sa usa ka anti-political dynasty law.
Matud ni Guinigundo, mahimong babag sa economic development ang dugay nang paghari sa political dynasties sa pipila ka lugar, lakip na sa paningkamot nga mapakunhod ang red tape ug korapsyon.
Ang Senate Bill No. 1901 usa sa mga priority measure sa LEDAC ug pending pa sa second reading.
Tumong niini nga idili ang political dynasties sa national ug local elective offices, lakip ang party-list system.
