Hugot nga pagabantayon sa Senado ang PAX Silica initiative aron masiguro nga mapuslan sa nasod ang potensyal niini nga ambag sa ekonomiya nga dili isakripisyo ang kalikopan, soberanya ug mga katungod sa lokal nga mga komunidad.
Sumala ni Senate President Win Gatchalian, importante ang oversight sa Senado aron mailhan ug matubag ang posibleng mga risgo ug mga kabalaka nga nalambigit sa maong inisyatibo.
Matod ni Gatchalian, kinahanglan nga adunay oversight ang Senado aron masiguro nga matubag ang mga risgo ug mga mulo nga mahimong motumaw.
Gipasiugda ni Gatchalian nga kinahanglan masiguro nga dugayng panahon nga mapuslanon sa ekonomiya ang PAX Silica, samtang gipanalipdan ang kalikopan ug mga katungod sa mga mag-uuma ug lumad.
Dako usab matod pa ang potensyal sa maong inisyatibo nga makadala og high-value technology sector sa nasod, lakip na ang gibanabanang 200,000 ka direktang trabaho ug hangtod 800,000 ka trabaho panahon sa konstruksyon.
Bisan pa niini, gipadayag sa Senate President nga kinahanglan balansehon ang maong mga oportunidad pinaagi sa hugot ug walay-kompromisong oversight.
Giseguro ni Gatchalian nga magpadayon ang pagbantay sa Senado sa tanang hugna sa PAX Silica initiative aron masiguro nga ang gipaabot nga benepisyo niini sa ekonomiya dili moresulta sa kadaot sa kalikopan, soberanya ug mga lokal nga komunidad
