Gipangutana ni Sen. Joel Villanueva si kanhing Chief Justice Artemio Panganiban kung mahimo pa bang makabotar o makaapil sa mga Senate proceedings ang usa ka magbabalaod nga ‘legally detained’ o napriso.
Matod sa kanhing Punong Mahistrado, kinahanglang personal nga makaapil ang usa ka senador sa proceedings sama sa impeachment trial aron mahatagan siya og higayon nga mobotar o mohimo og desisyon sa usa ka isyu.
Gihimong pananglitan ni Panganiban ang duha ka managsoon nga nag-away, diin gusto sa ilang mga ginikanan nga mahibal-an kung kinsa ang hinungdan sa ilang panag-away.
Matod pa niya, kinahanglan makita, madungog ug mapangutan-an sa mga ginikanan ang ilang mga anak aron hustong masusi ang sitwasyon ug mahibal-an kung kinsa ang nagsulti sa tinuod.
