Gipukaw ni Senador Erwin Tulfo ang atensyon sa Philippine National Police (PNP) ug National Bureau of Investigation (NBI) tungod sa giingong kawalay aksyon ug kapakyas sa pagtubag sa hangyo sa Philippine Amusement and Gaming Corporation (PAGCOR) alang sa tabang sa pagpahunong sa online online sabong operations sa nasod.
Sa pamahayag sa senador, gitataw niini nga sa kadaghan sa mga tao nga nagdala og mga kahimanan sa sabong ug bisan sa livestreams nga nikatap sa social media platforms, imposible nga dili mahibaw-an sa kapolisan kon asa ipahigayon ang mga operasyon aron mahunong ang operasyon sa e-sabong.
Luyo niini, mihatag og tip si Tulfo diin iyang gitumbok nga ang usa ka operator nag-operate og e-sabong operation sa Central Luzon samtang ang usa nag-operate sa CALABARZON apan ang tag-iya sa duha ka operasyon gikan sa Cordillera Administrative Region (CAR).
Bisan pa niini, masaligon si Tulfo nga si Acting PNP Chief PLtGen. Jose Melencio Nartatez Jr., motubag ug makakuha sa iyang atensyon.
Bisan kay NBI Officer-In-Charge Usec. Jesse Andres nanawagan kini nga hunongon na ang e-sabong operations ug mismo ang illegal gambling tungod kay nagtuo ang senador nga maayong sumusunod ug tigpatuman sa balaod ang duha ka lider.
Samtang, bisan og nagtuo si Tulfo nga tubagon sa PNP ug NBI kining maong panawagan, nakita gihapon niya ang dakong problema kon kining mga operasyon sa illegal gambling adunay basbas sa kapulisan ug ubang opisyal sa gobyerno.
