-- ADVERTISEMENT --
Gisulong ni Sen. Robin Padilla ang pag-amenda sa Senate Bill 372 aron mapalig-on pa ang balaod nga nagtubag sa mga kabataang nakalapas sa balaod o Children in Conflict with the Law (CICL).
Matud sa senador, tumong sa maong lakang nga mapahinumdoman ang mga kabatan-onan nga adunay mga responsibilidad ug tulubagon ang matag ilang binuhatan.
Gipasiugda usab ni Padilla nga importante nga malikayan ang sayop nga panglantaw nga daw mahimong madawat o mapasaylo ang paghimo og sayop tungod lamang sa pagkamenor de edad.
Ang iyang panawagan may kalabotan sa nagkadaghang kaso sa mga CICL sa nasud, diin gilauman nga makatabang ang mas lig-on nga balaod aron mapalig-on ang disiplina, responsibilidad ug paggiya sa mga kabatan-onan.
