GENERAL SANTOS CITY – Pormal nang nagsugod ang light training ni eight division world champion Manny Pacquiao alang sa umaabot ng away batok sa Australian boxer nga si Jeff Horn.
Sa pakighinabi sa Bombo Radyo kang Nonoy Neri, conditioning coach ni Pacquiao, gibutyag niini nga milungtad ug usa ka oras ang nahimong pasiunang training kaniadtong Lunes.
Samtang kagahapon sa buntag, nag-jogging si Pacquiao sa Forbes Park sa Makati, ug pagkahapon diretso sila sa Elorde Gym alang sa basic training sama sa punch mitts, punching bag, speed ball ug uban pa.
Gibutyag ni Neri nga samtang anaa pa sila sa light training, nakatutok una ang Team Pacquiao sa jogging ug ladder aron subling makondisyon ang mga batiis sa fighting senator, ug anam-anam nga dugangan sa mga musunod nga adlaw.
Samtang, aminado si Neri na medyo nadugangan ang timbang karon sa senador.
Ug gani, kamatikdan matud pa kini sa sa medyo paghinay sa iyang dagan.
Bisan paman, kumpiyansa si Neri nga human ang usa ka semana nga straight training, subling makabawi ug makabalik sa insaktong timbang.
