GENERAL SANTOS CITY – Nahimong hisgutanan sa social media ang gihimong pagpanghatag ni Sen. Manny Pacquiao og kwarta sa iyang mga kababayan sa Alabel, Sarangani Province.
Base sa social media post ni David Sisson, personal assistant sa senador nga natigayon ang maong panghitabo sa miaging adlawng Sabado.
Gibutyag nga anaa sa 600 ka mga residente sa Alabel, Sarangani ang nahatag og kwarta sa pinoy champ.
Matud pa nga P1,000 ang gihatag ni Pacman sa mga hamtong og P500 sa mga bata.
Ang pagpanghatag sa senador og kwarta ang iyang balato sa mga kababayan human nga midaog sa natigayong engkwentro kang Keith Thurman sa miaging bulan sa Hulyo sa Amerika.
Nasayran nga sa miaging Agosto 16, 2019 lang nag-uli sa Gensan si Manny human sa malampusong engkwentro sa miaging bulan sa US.
Dili kini labing unang higayon nga gipapila ni Manny ang mga kababayan niini aron hatagan og balato. Ang mga nitizens ang adunay nagkadaiyang komento sa kamaayong gihimo sa figthing senator.
