GENERAL SANTOS CITY – Naghatag ug mensahe si Senator Manny Pacquiao ngadto sa mga police scalawags.
Sa pakighinabi sa Bombo Radyo, gibutyag sa senador nga angayang muondang na ang mga pulis nga gahimo og mga binuang. Sumala pa sa fighting senator, gihatag na ni Pangulong Rodrigo Duterte ang tanan alang sa kapulisan sama sa pagdoble sa suhulan og paghatag sa mga benepisyo.
Sa iyang pahayag nga angayang makuntento ang mga tigpatuman sa balaud.
Ang pahayag ni Sen. Pacquiao human nga giayo og kasaba ni Pangulong Rodrigo Duterte aging mga adlaw ang 102 pulis gikan sa National Capital Region, Central Luzon og CALABARZON nga gipresenta sa atubangan niya tungod sa ilang nagkadaiyang sayop nga nahimo.
Kini na ang ikaduhang higayon nga giatubang sa Pangulo ang mga bugok nga pulis sa Malacañang.
