GENERAL SANTOS CITY – Dismayado si Sen. Manny Pacquiao human nga nasayran nga adunay mga opisyal sa gobyerno ang nakigkonsabo pa sa mga naghimo og kahiwian may kalabotan sa road right of way scam.
Sa pakighinabi sa Bombo Radyo, gibutyag niining excited na siyang ipatawag sa hearing sa sunod semana ang mga opisyal gikan sa LRA, DPWH, BIR, City Assessors og uban pang ahensiya sa gobyerno aron magpaklaro sa kontrobersiya.
Sa pamahayag sa senador, sa kaugalingon niyang pag-review nasayran niini nga linibo ka fake titles ang naproseso kung asa lakip niini sa Lagao nga mga yuta kung diin siya adunay mansyon.
Gibutyag ni Sen. Pacquiao, may direktiba si Pangulong Rodrigo Duterte ngadto kaniya nga tutukan ang maong isyu sa kurapsyon.
Sa sunod semana duha ka adlaw ang hearing Marso 22 og 23 nga may road closure gihapon sa mga dalan palibot sa city hall isip kabahin sa security measures.
Samtang mutambong usab sa hearing ang laing mga senador.
